Shaqaalihii VOA oo Guryohoodii loo Diray
Madaxweynaha Maraykanka Donald Trump ayaa xeer fulineed uu jimcihii saxiixay ku joojiyay dhaqaalihii la siin jiray hay'ado warbaahineed oo ay ka mid tahay Vocie of America (VOA), taasoo keentay in shaqaalaha raadiyahaasi guryohooda loo diro.
Qoraal ka soo baxay Aqalka Cad ayaa lagu sheegay in go'aankani uu xaqiijin doono inaan lagu joorfalin lacagta canshuur bixiyeyaasha Maraykanka.
Agaasimaha guud ee VOA, Mike Abramowitiz, ayaa sheegay in isaga iyo dhammaan shaqaalahiisa 1300 loo diray guryohooda iyadoo ay u socoto lacagohooda.
Wuxuu intaa raaciyay in go'aankan uu sababay in la awoodi waayo in ay sii socdaan barnaamijyadii ay baahin jireen.
Waxaa kaloo uu sheegay in wariyeyaasha dibadda wararka ka soo diri jiray loo sheegay inay shaqada joojiyaan, sababtuna ay tahay inaan loo haynin lacago la siiyo.
