Ma Ruushkaa Beegsaday Diyaaraddii Azerbaijan
Dowladda Azerbaijan ayaa sheegtay in diyaaradoodii ku dhacday Khazakhistan ay ugu wacnayd waxyeello uga timid bannaanka, iyagoo ay tuhmayaan Ruushka inuu ku khalday weerar dhanka Ukraine uga yimid
Sida laga arkay muuqaal uu duubay mid ka mid ah dadkii ka badbaaday shilkaasi, diyaaradda inta aanay dhulka ku dhicin, waxaa baalkeeda ka muuqday dhaawac. markii ay dhacdayna waxaa muuqaaladii la soo bandhigay lagu ogaaday in diyaaradda dhulka laga duqeeyay.
Inkastoo baaris ay socoto, dowladda Ruushka waxay sheegeen inaanay meesha ka saarayn in laga yaabo in habkooda difaaca uu diyaaradda ku khalday weerar uga yimid Ukraine.
Qof ka mid ah dadkii ka badbaaday wuxuu sheegay in uu maqlay jug culus, ka dibna uu dareemay in diyaaraddu ay si deg deg ah u kala wareegtay, iyadoo bedelaysa khadkii ay ku duulaysay.
"Duuliyaha waa uu dadaalay inuu degto, balsę markii uu waayay meel uu ku dego ayuu u jihaygstay dhinaca Kazakhstan.
Sawirkan ka muuqda dhinaca midigta waxa uu muujinayaa waxyeello u muuqda inay ka dhaesheen xabado.
Mas'uuliyiinta duulimaadka ee dalka Ruushka waxa ay sheegeen in airaboorka Grozny la xiray xiliggaas, sababo la xiriira weerar drone ah oo ay soo qaaday Ukraine.
Lama oga in diyaaraddan ay waxyeelada ka soo gaartay drone-da Ukraine amma difaaca Ruushka, laakiin baaritaan caalami ah ayaa lagu ogaan doonaa.
Burburkan diyaaradda waxaa ku dhintay 38 qof, 29 kalena waa ay badbaadeen oo qaarkood aba dhaawacyo.
Dadkii ku dhintay diyaaradda waxaa maydadkooda loo qaaday deegaanadii ay u dhasheen ee Azerbaijan.
Ruushka ayaa ku eedeeyay Ukraine inay waayadan geysanaysay weerar argagixiso oo ay la beegsanayso kaabayaasha dhaqaalaha ee Ruushka.
